Parseria ba Dezenvolvimentu Umanu - Jerente Rekursus Umanus
Vizaun Jerál Programa
Parseria ba Dezenvolvimentu Umanu (PHD) reprezenta Austrália nia vizaun tempu-naruk hodi hasa’e dezenvolvimentu umanu iha Timor-Leste. Parseria ne’e lori hamutuk Embaixada Austrália (Timor-Leste) nia atividade oin-oin iha saúde, edukasaun, bee, nutrisaun, igualdade jéneru, defisiénsia no protesaun sosiál ba iha programa ida de’it atu masimiza efetividade, relevánsia no dezempeñu. Investimentu ida-ne’e iha Timor-Leste sei serbisu ba iha Objetivu Estratéjiku 2 hosi Austrália nia Planu Investimentu Asisténsia ba Timor-Leste: hasa’e dezenvolvimentu umanu. Dezenvolvimentu umanu di’ak sei garante katak jerasaun Timoroan sira tuirmai bele di’akliu atu lidera, kontribui ba no hetan benefísiu hosi sira-nia nasaun nia dezenvolvimentu ekonómiku no sosiál.
Oportunidade
Ami daudaun ne’e buka hela rekerimentus hosi Jerente Rekursu Umanu ida atu serbisu ho Ekipa PHD nu’udar membru pesoál kontratadu lokál ida ho posibilidade atu hetan estensaun iha knaar ne’e. Jerente Rekursu Umanu sei responsabiliza hodi lidera no jere atividade rekursu umanu (RU) hotu-hotu ba Parseria Dezenvolvimentu Umanu (PHD) nia programa iha railaran. Sira sei serbisu besikliu ho ekipa jestaun ne’ebé responsabiliza ba prestasaun programa.
Responsabilidade Xave sira
Responsabilidade xave sira ba pozisaun ida-ne’e inklui (maibé la limit aba):
· Lidera no jere programa ne’e nia Ekipa RU iha railaran hodi apoia operasaun no metas programa nian.
· Fó matadalan RU no apoia ba Xefe Ekipa, Jerente Operasaun no pesoál jestaun seluk.
· Dezenvolve relasaun efetivu ho pesoál sede sentrál hodi apoia operasaun no metas programa nian.
· Lidera no jere atividade rekrutamentu no selesaun lokál hotu-hotu ba programa ne’e.
· Serbisu besik ho Sede Sentrál atu koordena rekrutamentu no selesaun ba Asesór Internasionál sira.
· Jere atividades kontratu ba pesoál lokál sira no apoia atividade kontratu sira seluk bainhira presiza.
· Haree dezenvolvimentu no atualizasaun ba programa introdusaun komprensivu ida ba pesoál programa nian.
· Jere atividade mobilizasaun no desmobilizasaun ba pesoál programa hotu-hotu inklui introdusaun, esplikasaun seguransa nian no entrevista saída nia.
· Jere asuntu relasaun empregadu hotu-hotu ba pesoál programa lokál, no apoia atividades relasaun empregadu halo hosi sede sentrál bainhira presiza.
· Garante hodi kompleta rekizitus avaliasaun dezempeñu ba pesoál programa hotu-hotu.
· Apoia no akonsella Xefe Ekipa no Suplente Jerente Operasaun no jestaun seluk kona-ba jestaun dezempeñu, akonselleamentu, akompañamentu no asuntu disiplinár sira seluk.
· Haree funsaun treinamentu hodi garante prestasaun kona-ba treinamentu konformidade ba pesoál hotu-hotu no atividade dezenvolvimentu sira ne’ebé hatán ba nesesidades pesoál programa lokál.
· Jere saúde no seguransa traballu lokál (WHS) no atividades bem-estár inklui seguru, auditória, relatóriu insidente, no Programa Asisténsia Empregadu (PAE).
· Haree pagamentu saláriu ne’ebé subkontrata sai no koordena tranzisaun pagamentu saláriu ne’e mai fali iha programa ne’e. Bainhira ne’e internál ona, jere funsaun pagamentu lokál inklui verifikasaun, konformidade no atividade relatóriu.
· Haree prosesu jestaun kona-ba pesoál sira-nia feriadu no auzénsia.
· Serbisu ho sede sentrál, jere rekizitus ba passaporte no vistu ba pesoál internasionál sira inklui haree tuir no renovasaun.
· Jere no mantein rejistu RU programa nian no garante katak atividade RU hotu-hotu dokumenta tuir polítika no prosedimentu sira ne’ebé relevante.
· Dezenvolve, implementa no mantein polítika, prosedimentu no manuál xave sira ba RU lokál iha konsultasaun ho parte-interesada relevante sira.
· Apoia dezenvolvimentu, implementasaun no atualizasaun ba polítika no prosedimentu xave kona-ba RU kompañia nian.
· Jere rekizitus konformidade RU hotu-hotu tuir kontratu programa nian ka konforme presiza, inklui rekizitus relatóriu RU nian.
· Garante konformidade ho Timor-Leste nia lei traballadór no rekizitus relasionadus.
· Hala’o knaar adisionál razoavvel sira seluk bainhira husu hosi tempu ba tempu.
Rekizitus Xave Sira
Kandidatu ne’ebé susesu sei lori:
· Kualifikasaun tersiáriu iha Rekursu Umanu/ Jestaun/ Administrasaun Negósiu ka disiplina relevante.
· Esperiénsia profisionál boot iha jestaun Rekursu Umanu iha ambiente operasaun ne’ebé hanesan
· Komprensaun kle’an kona-ba Lei Traballadór Lokál, pagamentu saláriu no regulamentu empregu sira seluk.
· Iha fleksibilidade no bele atu serbisu efetivamente ho knaar barak.
· Abilidades interpesoál no lideransa ne’ebé forte
· Abilidade atu komunika momoos (hakerek no ko’alia) iha Inglés no Tetun-Prasa
Aleinde Kritériu Selesaun Xave sira iha leten ne’e, rekerente sira tenke nasionalidade Timor-Leste no disponivel atu hela no serbisu iha Timor-Leste.
Informasaun Liután & Rekerimentu
Kona-ba informasaun liután favór refere ba Informasaun kona-ba dokumentu Rekerente nian ba pozisaun ida-ne’e. Rekerimentu sira tenke halo online liuhosi ami-nia careers website (http://www.abtjta.com.au/
Rekerimentu taka tuku 4:00 loraik, loron 15 Agostu 2016.
Ami fó benvindu no obrigadu ba rekerimentu hotu-hotu, maibé ami sei kontakta de’it rekerente sira ne’ebé tama iha lista-badak.
Kona-ba Abt Associates
Abt Associates mak lider rekoñesidu ida iha setór dezenvolvimentu internasionál. Serbisu ho ami-nia parseiru barak, Abt Associates implementa solusaun inovadora brani nian hodi hadi’ak komunidade sira-nia moris no entrega rezultadu valorizadu sira ba ami-nia klientes. Ami fornese servisu kompreensivu lubuk ida hosi polítika ba prestasaun servisu iha setór públiku no privadu sira kontribui ba benefísiu tempu-naruk ba kliente no komunidade sira. Halo operasaun iha ambiente remotas no susar, ami oferese esperiénsia boot iha rejiaun ne’e, kapasidade téknika forte, no iha rekorde jestaun projetu ne’ebé komprovadu. Ami komprometidu ba igualdade jéneru iha ami-nia estratéjia empregu no enkoraja rekerimentus hosi feto sira ho kapasidade.
No comments :
Post a Comment